Самындай жылмышкан Нурбек Сыдыгалиев бийликтин “каарына” калганда
Жогорку Кеңештин вице-спикери Нурбек Сыдыгалиев кайрадан депутаттык креслону эңсеп, түн уйкудан калып, Жумгал–Кочкор райондорун, Балыкчы шаарын түрө кыдырып келди. Өмүрү басып барбаган Балыкчыга барып алып, жумгалдыктарды издеп, «тууганчылап» жүргөнүн көргөндө айла жок баш чайкайсың да! Бирок, бул ирет Сыдыгалиевдин кайрадан депутат болуп келиши үлкөндөргө жакпай калыптыр. Дегенибиз, кезинде “Мегакомдун” мурунку жетекчиси Акылбек Жамангуловго иш козголуп камалганда, ага жан тартып бийликке азуусун көргөзгөнү, андан кийин да орчундуу маселелер чечилип жатканда алкынды самындай жылмышып ойт берип кеткен «замашкалары» кыжырга ойноптур. Айтор, бул ирет акчасын самандай чачса дагы депутаттык креслого жетчүдөй эмес. Кызык эле, бир чети Нурбек Өмүрбековичтин чача турган деле кыйраткандай каражаты да жок тура...
"Азия Ньюс" гезити
