Эмне үчүн Курманбек Бакиев келбей калды?
Өткөн жазда Курманбек Бакиевди Кыргызстанга алып келүү аракеттери көрүлүп, коомчулуктун маанайын текшерип көрүштү эле. Эгерде көпчүлүк каршылык көрсөтүшпөсө, жай айларында мерчемделген план ишке ашмакпы? Бирок элибиз кастарын тикти... Курманбек Бакиевдин бийлиги учурундагы буйрутма өлтүрүүлөр, 7-апрелдеги 87 адамдын окко учканы – мунун баары унутулбайт да. Ошентип, соцтармактагы көпчүлүктүн каршы чыгышканы коомдук пикир катары калыптанып, Курманбек Бакиев жана анын үй-бүлөсү Кыргызстанга келе албай калышты. Бул – мезгилдин жазасы! Келечекте тарых да катаал баа бериши шарт. Ток этерине келсек, азыркы бийликке деле ашыкча баш оорунун кереги жок. Өлкөдөгү туруктуулукту сактоо үчүн туура саясат жүргүзүлүшү зарыл. Ушундай шартта Бакиевдердин келип алышканын элестетип көргүлө...
"Азия Ньюс" гезити
