Акыры Соке өлкөдөн качып кетеби? Арбын кылмыштары айтылууда...
Коррупция, рейдерлик баскынчылык, Кой-Таш, Октябрь окуялары боюнча Сооронбай Жээнбековдун жоопкерчилиги качан каралат? Ушул жагынан ачуу үндөр жаңырууда. Коомчулук тарабынан олуттуу талаптар, элдин мүдөөсү жогору жакка жетпей турат. Бийликтин бетине чиркөө боло баштады. Эгерде Соке көп кылмыштарга ийинин куушуруп, мамлекеттик резиденцияда талтайып жата берсе, аягы жакшылык менен бүтпөй калат го? Күн өткөн сайын “шишик ырбап”, маселе курчуп баратат. Төбөлдөр кандай кадамга барышат? Калк карап турат. Сыягы көпчүлүк тынчыбай козуй берсе, Соке акыры түрмөгө кирип кетиши мүмкүнбү, же өлкөдөн качып кетеби? Себеби, бийликтин рейтинги түшө берсе, адилетсиздик чыңалып отурса, акыры кыңыр иштерди ачыкташ керек да, туурабы? Айтор, баш оору жаратууда...
"Азия Ньюс" гезити
