Мелис Мырзакматов саясатчы катары “критке чабылып”, чүнчүп калыптыр
Өткөн парламенттик шайлоодо “Улуттар Биримдигин” эл колдобой койгону белгилүү. Мелис Мырзакматов саясатчы катары четке сүрүлүп, жандаган коомдук ишмерлери, тарапташтары жүз буруп кетишкени кандай? “Кара баатыр” учурда бийликке ыктай албай, же оппозицияга өтүүгө жүрөгү даабай, эки ортодо чайналып калыптыр. Сын айтайын десе коррупциялык эски иштери көтөрүлөт, аргасы кеткенде эмне кылат? Өзүнүн ордун таппай, кыйын абалда калганы жашыруун эмес. Кыскасы, Мырзакматовдун “критке чабылган” кези экен. Чүнчүп. “Жылкыңа карап ышкыр” дейт, ошон үчүн убагында дардаңдабай, алына жараша жүрүш керек болчу. Баса, Атамбаевдин доорунда коррупцияга айыпталып, кылмыш иштери козголгондо качып кеткен, ошондо эле ишенимди биротоло жууп салган тура...
"Азия Ньюс" гезити
