Украинада согуш башталгандан бери 115 бала каза болду

21-март, 12:15

598 ᠌ ᠌ ᠌ ᠌᠌ ᠌ ᠌᠌

Орусия Украинага басып киргенден бери аскердик операцияларда 115 украиналык бала набыт болуп, 140 бала жарадар болгон. Бул тууралуу Украинанын Баш прокуратурасы билдирди.

БУУнун маалыматы боюнча, Украинадагы согушта курман болгон жайкын тургундардын саны кеминде 847, жаракат алгандар 1399. Уюм чыныгы сандар алда канча көп болушу мүмкүн экенин да четке каккан жок.

Харьков облустук аскер администрациясынын башчысы Олега Синегубова 20-мартка караган түнү Харьковдогу өнөр жай аймагына кол салуудан бир киши жана тогуз жашар бала набыт болгонун билдирди.