Акыркы кабарлар
» Саясат » Садыр Жапаров: “Биз бардык өлкөлөр менен кызматташууну улантабыз”
Садыр Жапаров: “Биз бардык өлкөлөр менен кызматташууну улантабыз”
15-март, 18:11
Президент Садыр Жапаров эки тараптуу жана көп тараптуу дипломатиянын алкагында Кыргызстандын тышкы саясый багыты ырааттуу, улуттук кызыкчылыктарга багытталган бойдон каларын билдирди. Бул тууралуу мамлекет башчы 15-мартта 21 өлкөнүн элчилеринен ишеним грамоталарды кабыл алууда айтты.
“Биз бардык өлкөлөр менен саясый-дипломатиялык байланыштарды, соода-инвестициялык, маданий-гуманитардык кызматташтыкты активдештирип, өнүктүрүүнүн жалпы багытын улантууга даярбыз” деди президент.
Садыр Жапаров башка мамлекеттер менен алака-катыш Бириккен Улуттар Уюмунун (БУУ) уставында бекитилген принциптер менен ишке ашырыла турганын кошумчалады.
Президентке ишеним грамотасын тапшыргандардын ичинде Германиянын, Мавританиянын, Латвиянын, Эфиопиянын, Йемендин, Италиянын, Бельгиянын, Испаниянын, Бириккен Араб Эмиратынын жана Румыниянын элчилери бар.
