Атамбаевдин кадрларынын эң тазасы генерал Улан Исраилов
Убакыт баарын таразалайт тура. Алмазбек Атамбаевдин кадрларынын дээрлик көбү камалышты, качышты. Сапар Исаков, Албек Ибраимов, Болот Сүйүмбаев ж.б. чет жактарда баш калкалап жүрүшөт. Экс-президенттин айлана-тегерегиндеги алдуу-алсызы дебей отуруп чыгышты. Санасак арбын. Икрам Илмияновдун жакшылап “куспай” кеткени эле эмнеге арзыйт? Итиркейиң келет да! Кыскасы, 90 пайызы булганганы жалганбы? Бирок, биздин баамыбызда, Ысык-Көлдүн тыңчыкма жигити, убагында АКСти, ИИМди жетектеген генерал Улан Исраиловдун тазалыгын, токпейилдигин эстебей коюуга болбойт. Атамбаевдин жандоочторунун ичинен жалгыз гана идиректүүсү, жүзү жарыгы ушул. Учурда Улан мырза эл аралап, башкалардай жалтактабай эле жай турмушта жашоосун өткөрүп келет. Бүгүнкү бийликтеги чиновниктер сабак алышса болот. Эртең кантип башты жерге салбай, бийик көтөрүп жүрүүнүн үлгүсүн үйрөнгүлө!
"Азия Ньюс" гезити
