Бийлик лөктөрү менен тил табышкан Курсан Асанов кызматка барабы?
Сооронбай Жээнбековдун бийлигинен бери Курсан Асанов үч ирет камалып, кыйла эле кысымдарга кабылды. Акыры күрөшүп атып, катар-катар токулган кылмыш иштеринен арылып, акталууга жетишти. Убактылуу келген сыноону татыктуу жеңди. Учурда генерал Курсан Асанов УКМК төрагасы Камчыбек Ташиев менен жылуу мамиледе болуп, бири-бирин терең түшүнүшкөнүн уктук. Бир жагынан мурдагы шопуру – азыркы президенттин иш башкармалыгынын жетекчиси Каныбек Туманбаев да кыйынчылык кезде сатып кетпей, колдон келген жакшылыгын жасаганы айтылууда. Бийликтин таасирдүү фигуралары колдоп жатышса, демек Курсан Асановго жашыл жарык күйүп, келечекке карай чоң кызмат алышы мүмкүн. Ансыз да кадр саясаты аксап, чиновниктер чекесинен коррупцияга батып жатышканда, тажрыйбалуу генералдын кайтып келиши огожо болсо керек.
"Азия Ньюс" гезити
