Кандайча? Качып кеткен Арстанбек Ногоев кичи мекенинде жүргөнү каңкууланды
2010-жылдан кийин Бишкек шаарынын экс-мэри Арстанбек Ногоевге кылмыш иштери козголуп, издөөгө алынган. Көп жылдар бою качып-бозуп, чогултуп алган акчасы менен Россияда бизнес кылып жүргөнү каңкууланган. Кызыгы, кечээ өздүк булагыбыз кабарлагандай, Арстанбек Ногоев кичи мекени Панфилов районунун Партсъезд айылында жүргөнү, менчиктештирип алган жерлерин, айыл чарбасын иштетүүгө кам көрүп атканы айтылды. Бул Курманбек Бакиевдин таасирдүү чиновниги эле. 7-апрелдеги төңкөрүштөн соң коррупцияга айыпталганы эсибизде. А учурда кандайча ээн-эркин жүрөт? Козголгон кылмыш иштери жабылдыбы? Же “кустубу”? Тийешелүү органдар түшүндүрүп коюшса. Эгерде жашыруун келип жүрсө, кармалып, жыйнаган мал-мүлкү, байлыктары тергелип, казынага төгүлөбү?
"Азия Ньюс" гезити
