Текебаевдин башын аттап, Мадумаровго сатылып кеткен Токтошевдин туруксуздугу

08-январь, 09:30

2 177 ᠌ ᠌ ᠌ ᠌᠌ ᠌ ᠌᠌

2015-жылы Эдил Токтошев “Ата Мекен” партиясынан парламентке өтүп, ортозаар депутат болгону эсибизде. Көчтүн артында жүргөндөй элес калтырды. “Жарк” эте жүзүн көрсөтө алган жок. Айдатма сымал. Бирок, Токтошев сатып кетүүнүн жогорку үлгүсүн көрсөтүп, Текебаевдин башын аттап, дароо Мадумаровдун короосуна уялбай эле секирди. Жыйынтыгында, “Бүтүн Кыргызстандан” мандатка жетип, учурда жасалма мүнөз күтүп, Жогорку Кеңешке конуп калды. Дагы беш жыл жасанып-түзөнүп, демилгесиз эле убакытты текке кетирүү менен өмүрүн өткөзчүдөй. Коом үчүн пайдасынан зыянын көргөзүп, саясый туруксуздуктун өнөкөтүн жайылтууда “жаман жеринен шымы айрылып” отурбайбы... 

"Азия Ньюс" гезити