Улам шалтуруктар келип атышса, Атай Садыбакасов шаарды түтөтө берет да...
Экс-президент Роза Отунбаеванын уулу Атай Садыбакасов энеси президент болгондон кийин “бизнесменге” айланып кеткен. Андан бери 11 жыл өттү. “Колуңан келсе айран чал...” дечү беле? Эч кандай кызганыч деле жок. Бир жүйөлүү маселеге токтоло кетели. Атай Садыбакасов автобус менен тез жасалчу тамактарды сатат. Болгондо да Эркиндик бульварында. Түтөтүп, ыштаганы жанга батыптыр. Соңку убакта биздин редакцияга пенсионер кары-картаңдар чалышып, ушул боюнча нааразычылыгын билдиришүүдө. Шаардагы автоунаалардын түтүнү аз келгенсип, эми мунусу да бир жагынан “буркуратып” турганы кандай? Паркта ардагерлер эс алат, кичинекей балдар ойношот. Мына ушуларга жагымсыз көрүнүш жасап аткан Атай Садыбакасовду тыйып койчу жан барбы? А Бишкек мэриясына ишеним эчак эле кетиптир: улам бир шалтуруктар келип атышса, кайдагы тартип, өнүгүүнү оозанабыз? Тескерисинче, артка кетебиз да.
"Азия Ньюс" гезити
