Коррупцияга шектүү Мирзахмедов Жалал-Абад облусун сызга отургузбайбы?
“Аңгектен качсаң дүңгөккө” дейт. Анын сыңарындай, өкмөттүн Жалал-Абад облусунун өкүлүнөн Кыянбек Сатыбалдиевди кетирип, ордуна Нурболот Мирзахмедовду дайындоо акылга сыйбаган көрүнүш болду! Бул эргул убагында Сузак районунун акими болуп жүргөндө жер сатууга шектелип, астындагы айыл өкмөтү Музаффар Исаков коррупцияга айыпталып, камалып дагы чыкпады беле? “Кылгылыкты кылып, кыл жип менен бууган” Мирзахмедов кайырмакка илинбей кеткени коомчулукта канча айтылды? Аким болуп жүрүп байып, “Бир Бол” партиясынан депутат, андан ӨКМ жетекчилигине секирген эле. Эми Жалал-Абад облусунун эки тизгин, бир чылбырын кармаганга жетишти. Мындай “калбыры бар” кадр менен жогорку төбөлдөр не муратка жетет? Баягы эле элдин сыны, нааразычылыгы даана курчуп, шайлоо алдында бийликтин рейтинги кайрадан түшкөнү калды. Жалал-Абад облусун сызга отургузбайбы?..
Aryba.kg
