Жогорку сотко Нургүл Бакирова төрайым болгону – адилеттүүлүккө кадам ташталды!
Полковниктер Конок Өскөнбаев менен Талант Акматов реалдуу жазылган сын пикирлерге чычалашып, “Азия Ньюс” гезитин сотко беришкен эле. Булар Кашкар Жунушалиев министр кезинде жумурткадан кыр издешип, шефине жагынуу таризинде басма сөздү муунтууга ашыгышкан. Бир жылдан ашык убакыт итжыгылыш болуп атып, Октябрь районунун судьясы Чыңгыз Адамкулов акыйкатсыз, мыйзамсыз негизде “Азия Ньюска” 200 миң сом айып пул салган. Мындай чечимге биз каршылык көрсөтүп, Бишкек шаардык сотко апелляциялык тартипте арыз жазганбыз. Бу саам акыйкат жүзү жылмайды. Бишкек шаардык сотунун коллегиясы даттануубузду канааттандырып, акыйкатсыздыкты жокко чыгарды. Аз күндө урматтуу судьялардын чечими колго тийгенден кийин толук кандуу материалды чагылдырабыз. Дагы бир олуттуу жагдайды эске алалы. Жогорку сотко Нургүл Бакирова төрайым болгону – система өзгөрүүлөргө багыт алып, адилеттүү чечимдерге басым жасалып атканы кубандырат. Көз тийбесин! Жакшыны неге жар салбайбыз?..
"Азия Ньюс" гезити
