Болот Темиров жарыялаган байлыктарга Арзыбек Бурканов жооп берип койбойбу?
Ушундай. Журналист Болот Темировдун билдиргенине караганда, Арзыбек Бурканов кыска аралыкта байып кеткени айтылат. Ал ЖБИ заводуна, “Сан-Ситиге”, курулуш компанияларына, казинолорго ж.б. мүлктөргө ээлик кылып калганбы? Коомчулукта ар кандай шектенүүлөр жаралып, бийлик үчүн көлөкө түшүрүүдө. Чоң бизнести таза жүргүзбөсө, мыйзамга, эрежеге сыйбаган жоруктар коштолсо, анда келечеги жок эмеспи. Андыктан, Арзыбек Бурканов учурдагы байлыктары, мүлктөрү, дээрлик ийгилик жараткан бизнесинин сыры боюнча ачыктап койбойбу? Бул өзүнө эле жакшы. Ансыз да эл ичи дуулдап, кыска аралыкта олигархка айланып кеткенине таңгалгандар арбый баштады. Таман акы маңдай тери менен миллиарддарды багындырса кеп башка. Бул жерде күмөн саноолор күчөп бараткан соң, биз коңгуроо кагып коюуну туура көрдүк. Өлкөбүздө күтүүсүз окуялар, бүйүр кызыткан жүрүштөр көп болорун эске ала жүрөлү.
"Азия Ньюс" гезити
