Төрага Замирбек Базарбековду соттор тоготпой калышканбы?
Жогорку соттун төрагасы Замирбек Базарбеков адилеттүүлүккө басым жасап, коллегаларын мыйзамдуу чечимдерди кабыл алдырууга аракет кылары айтылууда. Тазалыкка карай ниети бар окшойт. Тилекке каршы, дээрлик соттор ага баш ийкеп коюшуп, өздөрү каалагандай өкүмдөрдү окушканын, көбүнчө акчанын кулуна айланып кетишкенин кантип жашырабыз? Жашаган хансарайлары, элиталык кымбат баалуу үйлөрү укмуш, алдыларында кычыраган жолтандабастары бар. Ар кандай кылмыш иштерди “жең ичинен” бүтүрүү, кайсы бир тараптардын кызыкчылыктарына шайкеш келтирүү көндүмгө айланса, дегеле чоң суммалар көшөгө артынан соодаланып атса, соттордун өзүмбилемдигин кантип тыябыз? Соңку убакта фемиданын бай-манаптары УКМКдан да коркпой калышканбы? Кызык. Мындай жагдайда Замирбек Базарбековду көзгө илбей уят кыла беришеби? Азырынча ичтен “ирий” башташса, анда жарылуу убактысы да келсе керек.
"Азия Ньюс" гезити
