Ташиев УКМКны таштап, парламенттик шайлоого аттанабы?

30-апрель, 10:48

1 421 ᠌ ᠌ ᠌ ᠌᠌ ᠌ ᠌᠌

УКМК төрагасы Камчыбек Ташиевдин талкууга алынган ишмердигин эл көрүп турат. Талдап берүүнүн, чечмелөөнүн кажети жок. Жакында УКМКдан тергөө, АКС алынып, реформа жүрөрү бышык. Бул тармак экстремисттик, террористтик күчтөргө каршы иштеп калары, улуттук коопсуздук үчүн күрөшөрү иш жүзүнө ашканы турат. Мындай жагдайда Ташиев ал жерге көпкө байланбай, парламенттик шайлоого кетип, депутаттык мандат, андан кийин спикерлик тактыга жетүү үчүн жан сабашы болжонууда. Эл канчалык деңгээлде колдойт? Бул башка маселе. Убакыт көрсөтсүн. Ансыз да сын-пикирлер курчуп баратканда Камчыке кескин бурулуш жасап, коомчулуктан рейтинг алышы мүмкүнбү?.. 

"Азия Ньюс" гезити