УКМК Салимбайды кармай алабы?

Жакында Салимбай байбача ден соолугуна байланыштуу Өзбекстандын түрмөсүнөн чыкты. Бул адам өз чөйрөсүндө авторитет катары таанылганы белгилүү. Убагында кыргыздардын депутаттары, бизнесмендери кол куушурушуп, түпкүчтөй ийилген тейде барып турушкан. Шыйпаңдашып. Айтмакчы, өлкөбүздөгү уюшкан кылмыштуу топтор да аны менен тыгыз байлынышта болушканы, шектүү бизнес агымына жараша ишкерлер да кызматташканы айтылып келген. Буга чейин УКМК Салимбайга издөө жарыялап, аны кармоого ниетин билдиргенин билебиз. Натыйжада, өзбек бийлиги кылмышка шектүү жаранын бизге береби? Эгерде атайын кызмат Салимбайдын Кыргызстандагы жасаган терс иштерин ашкерелеп беришсе, кандай жыйынтык күтүлүшү мүмкүн? Ай ким билет, Өзбекстандын күч органдары ардагер адамын оңой менен эле кармата салбайт го... Бирок, ошентсе да күтө туралы.
"Азия Ньюс" гезити