“Шектүү” Равшан Сабировдун кайтып келиши оор абалды билдирет...
Эмгек, социалдык камсыздоо жана миграция министри болуп Равшан Сабиров дайындалды. Саясый интеллигенцияда таңыркоолор, талкуулар жаралууда. Себеби, бул кадр 2011-2012-жылдары аталган кызматты аркалап, пара алууга айыпталып, абакка кесилип, үй мүлкү конфискацияланган. Кийин 2020-жылы вице-премьер-министрликке келип, жарытылуу ишмердигин көрсөтө алган эмес. Мындан сырткары, убагында ишкер, депутат катары да таанылган. Кайсы гана тармакта жүрбөсүн, өзүн көрсөтө албай, чыр-чатактуу окуялардан соң жоголуп кетчү. Анан кайрадан министрлик кызматка көтөрүлдү. Кандай тыянак чыгарабыз? “Шектүү” Равшан Сабировдун кайтып келиши өкмөттүн кадр саясаты кургуйга кеткенин билдиреби? Кызык, кыргыздын билимдүү, тажрыйбалуу уул-кыздары карьера жасоодон баш тартышып, чет өлкөлөргө кетип жатышканы жашыруун эмес. Келечекке, өнүгүүгө үмүт калбай калдыбы?..
"Азия Ньюс" гезити
