Прогноз погоды в городе Бишкек
Акыркы кабарлар
» » Малика Дина: “Кызымдын атасы экөөбүз жакшы мамиледебиз”

Малика Дина: “Кызымдын атасы экөөбүз жакшы мамиледебиз”

26-октябрь, 12:19
3 907 ᠌ ᠌ ᠌ ᠌᠌ ᠌ ᠌᠌

24-октябрда Бишкек шаарындагы тойканалардын биринде ырчы Малика Дина кызы Айгүндүн урматына той өткөрдү. Ал тойдогу сүрөттөрдү социалдык тармактагы баракчасынын “сторис” функциясына жүктөдү. Тойго 100гө жакын конок чакырылган.

Ырчы тойдогу сүрөттөрдү, “кызымдын атасы” деген мырза менен бирге бийлеген видеону социалдык тармакка жүктөгөндөн кийин катталуучулар ырчынын аны менен мамилесин сурай баштаган. Малика Дина суроолорго төмөндөгүдөй жооп берди.

“Экөөбүз жакшы мамиледебиз. Бизди ортобуздагы кызыбыздан башка эч нерсе байланыштырбайт. Ата-энелердин мамилеси өсүп келе жаткан өспүрүмдөргө таасир этет. Мен кызыбыздын бизди жакшы мамиледе болгонубузду көрүшүн каалайм. Жолдошум учурда бойдок. Мен ага чын жүрөктөн бакыт каалайм. Мен мындан ары бул темага кайрылгым келбейт. Ар бир үй-бүлөгө чексиз бакыт каалайм” деген.

Малика Дина 7 жыл мурун тарткан клибин дагы “сторис” функциясына жүктөп,  “бул ыр баштан-аяк менин жашоомду баяндайт. Көпкө созулган жана жандүйнөнү ооруткан окуя. Сүйгөн жүрөктөргө кайрыларым, дос, курбу болумуш болуп жүргөндөргө кулак салбагыла, башкалардын айткан ар кандай пикирлеринин таасиринен канчалаган үй-бүлөлөр урап жатат. Албетте, күнөө бир тараптан эле кетпейт, мамиле эки адамдын ортосунда куралат жана ал бузулса, анда аны эки тарап тең бузган болот” деп жазган.
Бөлүшүү:



Тектеш материалдар:

Эң көп окулгандар
Жөтөлдөн айыгууга сонун рецепттерди сунуштайбыз. Сактап коюңуз!
“Казакстанда коронавирус катталды” деген билдирүү тарап жатат
(Видео) Кыргыз айылын талкалап жаткан тажиктерди токтотууга болобу?
(Видео) Тажиктердин ок жаадырганы... Коргологон Лейлектин тургундары...
(Видео) Баткен согушунун ардагерлери элибиз үчүн күйүп, кайрылуу жасашты
(Видео) Баткен губернатору Алимбаевди тоготпой, 70 пайыз жетекчилер кетип калышыптыр
Президент Садыр Жапаровдун акыркы кырдаал боюнча кайрылуусу
Aryba.kg - Маалымат порталы
Сайтка баа бер