Айзуура Иманалиева: “Мен кантип баламды чыныгы мырза кылып чоңойтом?”
Алып баруучу, блогер Айзуура Иманалиева коомдогу болуп жатканы окуялардан улам балага кандайча туура тарбия берүү керектигин ойлонуп жатканын социалдык баракчасына жазды.
“Коомдогу болуп жаткан окуялар мени абдан ойлонтуп жатат. Мен кантип баламды чыныгы мырза кылып чоңойтом? Мына ушул суроону өзүмө күн сайын берүүдөмүн. Мен укмуш кесип аркалаган аял болбой деле койдум. Бирок, эң мыкты эне болгум келет! Ушунун үстүнөн иштеп жатам. Раматылык энем: “Балага Кудайды таанытып, жүрөгүнө ыйман салуу менен башташ керек” деп, кичинекей кезибизден адепти үйрөттү... Анын айткандарын, көргөндөрүмдү балдарыма бергенге аракет кылуунун жолундамын. Эне менен бала сыйкырдуу жип менен байлангандай. Тогуз ай жүрөгүнүн алдында жатат, андан кийин ак сүтүн эмет. Анын көлөкөсүндөй ээрчип жүрүп тарбиясын алат, ал эмнени кылса, туурап кайталайт. Айланып келип эле жоопкерчилик бизде экен, аялзат. Биз улуттун жүзүбүз! Кандай дейсиздер?”-деп кайрылды күйөрмандарына Айзуура айым.
