Акбалык Жумалиева, БШК мүчөсү: “Шайлоонун бузулуусуна себепкер болгон талапкер катыша албайт”
-- Акбалык айым, Бишкек шаарынын Ленин району боюнча Жогорку Кеңештин депутаттык кызматына талапкерлерди шайлоо боюнча учурдагы абал кантип атат, түшүндүрмө берип кетесизби?
-- Мыйзам боюнча эң көп добуш алган кандидат жалпы катышкан шайлоочулардын үчтөн биринен көп добуш алып, анын алган добуштарынын натыйжасы жокко чыгарылса, кайра шайлоо дайындалат. Ленин району боюнча эң көп добуш алган кандидаттын каттоосу жокко чыкты. Анын алган добушу мен жогоруда айткандай, шайлоодо добуш берген шайлоочулардын добуштарынын үчтөн биринен көп болгондуктан, кайра шайлоо өткөрүлөт.
-- Кайрадан шайлоо өтүп калса мурунку талапкерлер кантет?
-- Ал эми кайра шайлоого шайлоонун бузулуусуна себепкер болгон талапкер катыша албайт. Калган талапкерлер кайра шайлоого өз талапкерлигин койгонго укугу бар.
Сурат Жылкычиев
"Азия Ньюс" гезити
