Мырзакматов “Улуттар Биримдигин” Ош шаардык кеңешине өткөзүүгө чамынууда

19-февраль, 19:20

2 733 ᠌ ᠌ ᠌ ᠌᠌ ᠌ ᠌᠌

11-апрелде жергиликтүү кеңештерге шайлоо жүрөрү маалым. Ага утурлай эски-жаңы партиялар теминип чыгышууда. Ошолордун арасында “Улуттар Биримдиги” Ош шаардык кеңешине катышууга кам уруп, кожоюну Мелис Мырзакматов активдүү киришип, өзүнө караштуу жаштарды топтоо менен күч сынашууга белсениптир. Башка аймактарга шаасы жетпесе да, Оштон позицияны бекемдөө үчүн “Улуттар Биримдиги” бар күчүн жумшайт. Эгерде Мырзакматовдун партиясы шаардык кеңештен өтпөй калса, анда парламенттик шайлоодон үмүт кылбай эле койсо болот. Бул ирет чоң күрөшкө машыгуу таризинде кандай дараметте экенин тыңдайбыз. 

"Азия Ньюс" гезити