Акыркы кабарлар
» Кылмыш » 6-кабаттан секирип каза болгон 20 жаштагы кыздын өлүмүнө эмне себеп болду?
6-кабаттан секирип каза болгон 20 жаштагы кыздын өлүмүнө эмне себеп болду?
27-август, 16:26
27-августта Ош шаарынын Партсьезд көчөсүндө жайгашкан көп кабаттуу үйлөрдүн биринин 6-кабатынан 20 жаштагы кыз (Т.А.) секирип каза болду.
Ош шаардык ички иштер башкармалыгынын маалыматына караганда, териштирүүдө маркум Кара-Суу районунун тургуну экени, окуя болгон үйгө туугандарына конокко барганы аныкталган.
Күбөлөр кыз кабат үйдөн боюн таштаганга чейин бирөөлөргө таарынычы бар экенин айтканын билдиришкен. Андан кийин чогуу отурган кыздар өз иштери менен алек болуп калганда күтүүсүздөн терезеден секирип кеткени айтылды.
Кыз “Тез жардам” менен Ош шаардык ооруканасына жеткирилип, бирок алган жаракатынан улам ооруканада каза болгон. Бул факты боюнча соттук-медициналык экспертизасы дайындалып, окуянын күбөлөрү суракка алынган.
