Илим Карыпбеков жашым өтүп баратат деп кыздарга сөйкөнө баштадыбы?
КТРКнын экс-директору Илим Карыпбеков күн сайын инстаграмдагы баракчасына ар кандай сүрөттөрдү, видеолорду жүктөп элдин талкуусуна коет.
Ал кечээ эле алып баруучу Чынгыз Мырзаев экөө ортосуна белгилүү бир айымды коюп түшкөн сүрөткө төмөндөгүдөй пикир калтырып, элдин талкуусунда калды:
“Ой айланайын эркектер оооой! Жашыбыз деле, карыбыз деле ойлонгонубуз ошол жак. Эми бул сүрөттү карагыла. Моменттен колдонуп сөйкөнүп алалы деп ортодогу чүрөктү былчыйтмай болдук окшойт, тим эле сүрөткө батпай калчудай болуп. Мен го мен убактым өтүп баратат деп жанталашып эби келген жерден сөйкөнө калып атам, жапжаш туруп Чынгыз иниме эмне жок? Ай Чыке иним, акырын, сеники дагы баары алдыда”,- деп жазды.
Эскерте кетсек, былтыр ырчы Чолпон Талипбек да төшүн операция кылып чоңойтуп, элдин талкуусунда калганда Илим Карыпбеков: “Чолпон Талипбектин төшүн эмне кылабыз, өзүбүздүн жаман төштөрүбүздү тыңыраак көйнөгүбүзгө батырып алалычы” деп ырчы кызга болушуп жазганы элдин эсинде.
