"Дордойдо" норка шуба уурдаган аял кармалды

11-декабрь, 09:56

1 148 ᠌ ᠌ ᠌ ᠌᠌ ᠌ ᠌᠌

Бишкектеги “Дордой” базарынан норка шуба уурдаган деп шектелип, 44 жаштагы аял кармалды

Ал 17-ноябрда Б.Р. аттуу шаар тургуну арыз менен кайрылып, ошол күнү күндүзгү саат үчтөрдө “Дордой” базарындагы контейнеринен белгисиз жарандар 84 миң сомдук шубаны уурдап кеткени жазылган.

Ыкчам иликтөө иштеринин натыйжасында, бул кылмышка шектүү катары 44 жаштагы Э.Ф. аттуу аял кармалган. Ал убактылуу кармоочу жайга киргизилип, учурда тергөө иштери жүрүүдө. Шектүүнүн башка дагы ушул сыяктуу кылмыштарга тиешеси бар же жогу текшерилүүдө.

Бул аялдын колунан жапа чеккендер же ал тууралуу кандайдыр бир маалымат билгендер болсо, төмөнкү телефон номерлерине чалып, билдирип коюшса болот:
0550 102872, 0554 001200 же 102.

Aryba.kg