Бетин жашырып алып, элди бөлүп-жарууга, касташууга чакырган жаран кармалды
Кыргызстанда аймактар аралык, жер-жерлерге бөлүнүү, касташууну козуткан социалдык тармактардын колдонуучусу кармалды.
Учурда бетин жашырып, эч кимге таанылбай калам деген А.Ж. ысымдуу жаран УКМКнын тергөө абагына киргизилди.
Интернеттеги социалдык тармактардын колдонуучуларына жайылтып, жалган, чагымчыл жана учурдагы өкмөттү жамандаган маалыматтарды массалык нааразычылык актыларын уюштурууга үндөгөн А.Ж. аттуу жаран сурак берүүдө. Натыйжада, колдонуучулар арасында каршы ойлор жаратылып, бири-бирин жек көрүү түрүндө аймактар аралык касташууну жараткан.
Ал Кылмыш-жаза кодексинин 313-беренесинин 2-бөлүмүнүн 2-пункту (аймактар аралык касашууну козутуу) боюнча шектелүүдө.
Эскерте кетсек, интернеттеги социалдык тармактарга ар кандай жашыруун ат менен катталып алып, бетин жашырып, коомду ар кандай чагымчылдыкка, диний экстремизмге үндөгөн адамдардын саны арбын.