Аскар Бешимов: “Россиянын биз жөнүндө баасы калыптана элек”
-- Жаз айларында Россияга карай президенттин иш сапары болжонууда. Кандай ойлойсуз?
-- Абдан маанилүү визит болот эле. Негизги максат – “Москвага кантип жагабыз? Бизге көз караш кайсы жакка оойт?” деген маселе турат. Азыркы учурда Россиянын биз жөнүндө баасы калыптана элек. Тышкы жана ички саясатыбыз, ЕАЭБге көз карашабыз, Батыш өлкөлөрү менен кызматташуубуз, Борбор Азияда маанилүү маселелерге жана башка толгон-токой багытта келечекте кандай иш алып барарыбыз азырынча белгисиз. Эң негизгиси, биз Россиянын ролун кандай эсептейбиз? Суроо ушунда.
Биринчи жолугууда көп учурда конкреттүү чечимдерди күтүш керек эмес. Азыркы жолугушуу келечекке жол ачабы же кыскартабы (?) деген маселе. Экинчиси, биринчи таанышуу кандай өтөт? Анын артынан Путин менен болгон жеке мамиле кандай өнүгөт? Ишеним артабызбы же жокпу?..
Мээрим Асанова
"Азия Ньюс" гезити
