Акыркы кабарлар
» Коом » Эмнеге көмүр тартыштыгы жаралууда?
Эмнеге көмүр тартыштыгы жаралууда?
09-январь, 14:17
Бишкектин тургундары калаада көмүр тартыштыгы жаралганын айтып, сатуу жайларынан таба албай жатканын билдиришти.Ушундай мүнөздөгү кайрылуулар “Sputnik Кыргызстан” агенттигине бир нече шаардыктардан түштү.Редакция “Кыргыз көмүр” ишканасына кайрылганда мунун себебин Кара-Кече кенинин иргелген көмүрдү ташуу 15-январга чейин токтотулганы менен байланыштырды.
“Биз бул тууралуу 28-декабрда маалымат таратканбыз. 1-январда кенде жардыруу иштери жүргүзүлүп, 3-январдан тарта Бишкек ТЭЦке көмүр ташылат. Жардыруудан кийин көмүрдүн катмары жабылып калгандыктан турмуш-тиричилик үчүн керектөөгө ылайыктуу иргелген көмүр 15-январдан тарта Бишкекке келе баштайт”, - деп билдирди ишкананын маалымат кызматы.
Ошондой эле жардыруудан кийин көмүрдүн запасы кеңири болуп, кара алтынга тартыштык жаралбай турганы белгиленет.
