Коронавирус менен ооругандардын 33% Бишкекте

17-декабрь, 23:24

1 412 ᠌ ᠌ ᠌ ᠌᠌ ᠌ ᠌᠌

Кыргызстанда 2020-жылдын март айынан бери коронавирус жуктуруп алгандардын 33% Бишкек шаарына туура келет.

Баш калаада COVID-19 вирусуна жана пневмонияга кабылгандардын саны 16-декабрга карата 25 901 адамды түзгөн. Алардын ичинен 14338 бейтапка коронавирус, 11513 бейтапка пневмония диагнозу коюлган. Бул тууралуу вице-мэр Айжан Чыныбаева билдирди.

"Коронавируска кабылган 14 миңден ашуун адамдын 970и 18 жашка чейинкилер. 2931 бейтап 18ден 30 жашка, ал эми 7553 адам 30дан 60ка барып калгандар. Алтымыштан өткөндөр - 2934."

Ооруга чалдыккандардын басымдуу бөлүгү сакайган. Азыр ооруканаларда 680 адам дарыланууда.

Баш калаада коронавирус жана пневмония менен ооругандарды 12 оорукана кабыл алат. Жалпысынан 1151 орун бар, алардын 471и бош.