Акыркы кабарлар
21:02
» Коом » Байтик айылындагы мектеп-интернатта массалык уулануу болду
Байтик айылындагы мектеп-интернатта массалык уулануу болду
09-декабрь, 11:45
Аламүдүн районунун Байтик айылындагы мектеп-интернатта массалык уулануу болду.
8-декабрда түнкү саат 23:00 чамасында 8 жаштан 20 жашка чейинки 23 бала тамак-аштан ууланган. Алар “тез жардам” кызматы менен шаардык балдар клиникалык ооруканасына жеткирилген. Баарына жардам көрсөтүлүп, ашказанды жуу, инфузия, детоксикация терапиясы жүргүзүлдү. Балдардын абалы салыштырмалуу канааттандырарлык деп бааланууда.
Аламүдүн районунун мамлекеттик санитардык-эпидемиологиялык көзөмөлдөө борбору иликтөө жүргүзүп жатканы кабарланды. Анын жыйынтыгында кошумча маалымат берилет.
