Балдар онкологу Дамира Байзакова COVID илдетинен каза тапты

16-ноябрь, 16:41

459 ᠌ ᠌ ᠌ ᠌᠌ ᠌ ᠌᠌

Дарыгер улуттук онкология жана гематология борборунун илимий кызматкери болуп эмгектенип келген. Ал 62 жашта эле.

Эмгек сиңирген дарыгер, балдар онкологу Дамира Байзакованын каза болгонун саламаттык сактоо министрлигинен тастыкташты. Белгилүү болгондой, врачтын COVID жуктуруп алгандыгы лабораторияда аныкталган. 

1980-жылы Байзакова онкология жана радиология илимий изилдөө институтуна жумушка кирет. 1998-жылдан бери улуттук онкология жана гематология борборунун жетектөөчү илимий кызматкери катары иштеп келген. 

Бир катар илимий эмгектердин автору онкологиялык илдетке чалдыккан бейтаптардын дартын аныктоодо көптөгөн жаңы ыкмаларды ишке ашырган.