Чуулгандуу “кызыл шапкечен” Конок Өскөнбаевдин диплому жасалмабы?
ИИМдин ички иликтөө кызматынын орун басары Конок Өскөнбаевге карата кесиптештери тарабынан каршылык көрсөтүү курчуп баратат. Бул эргул ишмердигинде карасанатайлык, адилетсиздикти туу тутуп келгенби? Дал ушул өңүттө формачандардын каңырыгы түтөп, кыжырдануусу чегинен ашып жарылчудай...
ИИМдин өздүк курамынын ичининен каңшаар кеп тарап, белгилүү чөйрөдө талкуу жарата баштаптыр. Эмесе, суроо салалы: Конок Өскөнбаевдин канча диплому бар? Үчпү? Жасалма кагаз, “чолок билими” менен төш кагып жүрөбү? Жооптуу кызматты аркалаган адамда шек жаралбашы керек да, туурабы? “Карга карганын көзүн чокубайт” деп ИИМдин чоңдору көрмөксөн болушса, УКМК текшерүүгө алса не? Эгерде диплому жасалма болуп чыкса тагдыры жарга асылабы?..
Кыскасы, ИИМ ичинде интрига “ирип” эле баратат. Аягы жакшылыкча бүтпөй калды го?..
Aryba.kg
