Айпери Адамкулова: “Кайнатам сонун адам, бүгүн кызык эле окуя болду”
Теле алып баруучу Айпери Адамкулова төмөндөгүдөй билдирүү калтырган.
“Атам сонун адам (кайнатам). Бүгүн кызык эле окуя болду. Эртең мененки саат 5:30, атам чалып атат... Өзү ооруканада жаткан. Жүрөгүм түшүп калды, чынын айтайын оюма жакшы нерсе келген жок (Кудай сактасын). Марат да жок болчу, командировкада. Уйку-сонун ортосунда телефонду алгыча оюма көп нерсе келип кетти. “Алло” деп алсам, угулбай туруп алды. Кайра чалсам, атам суроолуу алды. “Ата кандайсыз, жакшы элесизби?” деп сурасам, “ооба, жакшы эле, сен не ойгонуп алдыңбы?” дейт. “Сиз мага чалбадыңызбы?” десем, “басылып кеткен окшойт” дейт. “Ө-өх” дебедимби... Түштөн кийин барып, тамак жеткирип келдим. “Ата жүрөктү түшүрдүңүз” деп айтайын десем, эшикке чыгарбай коюшту. Коркуп кеткенимдин себеби... Атам көп жылдан бери жүрөк оорусу менен ооруйт. Акыркы учурларда бат-бат эле ооруканага жатып калды. Азыр да ооруканада. Ден-соолук тилеп, дуба кылып коюңуздарчы?”