Прогноз погоды в городе Бишкек
Акыркы кабарлар
» » Белгилүү cынчы, адабиятчы, профессор Кадыркул Даутов дүйнө салды

Белгилүү cынчы, адабиятчы, профессор Кадыркул Даутов дүйнө салды

28-июль, 15:20
211 ᠌ ᠌ ᠌ ᠌᠌ ᠌ ᠌᠌

Белгилүү cынчы, адабиятчы, профессор Даутов Кадыркул агай дүйнө салды. Төмөндө агайдын өмүр баянына кенен токтоло кетели. 

Кадыркул Даутов 1940-жылы 10-сентябрда Алай районундагы Үч-Төбө айылында туулган. 1961-жылы Токмок шаарындагы республикалык маданий агартуу окуу жайын, 1969-жылы Кыргыз мамлекеттик университетинин филология факультетин бүтүргөн. 

1970-1973-жылдары СССР Илимдер академиясынын М.Горький атындагы бүткүл дүйнөлүк адабият институтунун аспирантурасында окуган. 1973-жылы филология илимдери боюнча кандидаттык диссертациясын жактаган. 

1973-жылы КСЭнин адабият жана искусство редакциясынын жетекчиси, 1974-1975-жылдары Кыргыз илимдер академиясынын тил жана адабият институтунда илимий кызматкер, 1976-1981-жылдары Кыргыз ССР Илимдер академиясынын тил жана адабият институтунун совет адабияты секторунун башчысы, 1983-жылдан СССРдин 50 жылдыгы атындагы Кыргыз мамлекеттик университетинин СССР элдеринин адабияты кафедрасынын окутуучусу, 1985-1986-жылдары «Кыргызстан маданияты» жумалыгынын бөлүм башчысы, 1989-1999-жылдары Кыргыз Республикасынын Илимдер академиясынын тил жана адабият институтунун бөлүм башчысы болуп иштеген. 

1999-2005-жылдары Чүй университетинин кыргыз тили жана адабияты кафедрасынын башчысы, 2005-2007-жылдары И.Арабаев атындагы университеттин профессору, 2007-жылдан Ж.Баласагын атындагы КМУнун профессору.

1960-жылдардын экинчи жарымынан бери адабий-сын чыгармаларын жазып келет. «Ырдын өмүрү» аттуу алгачкы адабий-сын макалалар жыйнагы 1977-жылы жарык көргөн. Негизги чыгармаларын орус, кыргыз тилдеринде жазат.

1978-жылдан СССР Жазуучулар союзунун мүчөсү, Кыргыз Республикасынын маданиятына эмгек сиңирген ишмери. Кыргыз ССРинин Жогорку Кеңешинин Ардак грамоталары менен сыйланган. 


Жарык көргөн китептери:

Кыргыз тилинде “Ырдын өмүрү” адабий-сын макалалар жыйнагы. – Ф.: Кыргызстан, 1977. – 112 б.

Жаңы чектерге” адабий-сын макалалар. – Ф.: Кыргызстан, 1980. – 216 б.

Главное – поиск адабий-сын макалалар жыйнагы. – Ф.: 1982.

Сөз өнөрүнүн эстетикасы” макалалар жыйнагы. – Ф.: Кыргызстан, 1984. – 191 б.

Таланттар жана тагдырлар” адабий макалалар. – Ф.: Адабият, 1988. – 224 б.

Тереңдиктер жана бийиктиктер” макалалар. – Ф.: Адабият, 1991. – 272 б.

Адабий сын кантип жаралган?” монография. – Б.: 2002. – 247 б.

Албан кырдуу алп акындын дүйнөсү” монография – Б.: Басма Тамга, 2003. – 400 б.

Мезгил сыны жана мен – Б.: Бийиктик, 2004. – 525 б.

Түркүн дүйнө элестеринен – Б.: Бийиктик, 2005. – 333 б.

Издегеним тубаса акын, тунук поэзия – Б.: Бийиктик, 2008. – 476 б.
Бөлүшүү:



Тектеш материалдар:
Эң көп окулгандар
(Видео) Индиядан келген дааватчылар милицияга баш ийбей коюшкан
“Казакстанда коронавирус катталды” деген билдирүү тарап жатат
“30-апрелде карантин токтосо, 100 миңдеген адамдардын өмүрүнө коркунуч келтиребиз”
Аалы акын Дастан менен Зарылды “таластыктардын чимкириктери” деди
Чубак ажы Жалилов чын дүйнөгө кете берди...
(Видео) Карантиндеги чатак. Күйөөсү аялын терезеден ыргытты...
(Видео) Алматы көчөлөрүндө адамдар кулай баштады. Себеби?..
Aryba.kg - Маалымат порталы
Сайтка баа бер