Прогноз погоды в городе Бишкек
Акыркы кабарлар
» » Менин устатым Дональд Трамп

Менин устатым Дональд Трамп

20-июль, 14:00
239 ᠌ ᠌ ᠌ ᠌᠌ ᠌ ᠌᠌

Менин турмуш жолумдагы басып өткөн кыйынчылыктарымды, ар бир жеткен жетишкендиктеримди жазып жатып, мындай түшүнүккө келдим: ар бир китеп жазган адам менен баарлашканга караганда, китебин кунт коюп окусаң, ал адам менен жашагандан дагы көп маалымат аласың, жандүйнөсүн түшүнөсүң. Көркөм адабий китептерди айта албайм, бирок ийгиликтүү адамдардын турмуш, тажрыйба жолун окуу менен биз дагы сабак алып, көп улуу иштерди жарата алабыз. Дональд Трамптын китебин окуу менен башкалардан өзгөчөлөнгөн таамай айткан сөздөргө кабылдым. Менин китеп аркылуу тапкан устатым катары эсептедим. Албетте, сүйүктүү окурманым, мага керектүү гана жерлерин алдым. Эч бир китепте кездешпеген пайдалуу, таасирдүү сөздөрдү окудум. «Агымга каршы сүзгөндө гана эң бийик жетишкендиктерге жетесиз”, “Жолу болбогон адамдарды жек көрөм”, “Жакшы идеяны ойлонуп туруп, аны ишке ашырбагандан өткөн кылмыш жок”, “Эгер сиз жумуш убактыңызды “келерки демалышка чейин канча саат, мүнөт калды” деп эсептебей өткөрсөңүз, анда сиз эч качан миллиардер боло албайсыз”.

«Сиз бизнесиңизди тирүү жан катары эсептеңиз» дейт. Анын канчалык деңгээлде ден соолугу чың экендигин сандар аныктайт экен. Кантип? Сиздин бизнесиңиз канча акча таап жатат? Атаандаштарыңызга туруштук бере алабы? Бизнесиңиз канчалык деңгээлде элге таанымал же жарнама жаатында аксап жаткан жокпу? Канча адам иштейт? Канчасы күйүп-бышып, жандили менен берилүүдө? Бул суроолорго жооп берсеңиз, сиздин бизнесиңиздин саксаламатта экендигин аныктай аласыз. Бизнесиңизде, айрыкча акча жаатында кирешеден чыгаша көп болсо, же өзүн-өзү камсыздай албаса, анда «саламаттыгы жакшы эмес» экендигин билгизет. Сиздин бизнесиңиз жок, жөн гана кызмат көрсөтсөңүз деле бир тирүү жандыктай кабыл алыңыз. Эгерде жасаган жумушуңуз өзүңүзгө жакпаса, купулунузга толбосо, анда ал жумуштан баш тартыңыз. Сиз сүйгөн, жандүйнөңүз каалаган жумушту жасаңыз. 

"Азия Ньюс" гезити

Бөлүшүү:



Тектеш материалдар:
Эң көп окулгандар
(Видео) Индиядан келген дааватчылар милицияга баш ийбей коюшкан
“Казакстанда коронавирус катталды” деген билдирүү тарап жатат
“30-апрелде карантин токтосо, 100 миңдеген адамдардын өмүрүнө коркунуч келтиребиз”
Аалы акын Дастан менен Зарылды “таластыктардын чимкириктери” деди
Чубак ажы Жалилов чын дүйнөгө кете берди...
(Видео) Карантиндеги чатак. Күйөөсү аялын терезеден ыргытты...
(Видео) Алматы көчөлөрүндө адамдар кулай баштады. Себеби?..
Aryba.kg - Маалымат порталы
Сайтка баа бер