Досалы Эсеналиев: “Коронавирус менден да чыкты. Оору жеңил өтүүдө”
“Урматтуу достор!
Тилекке каршы, КР президентинин пппаратынын бир катар кызматкерлери коронавирус илдетин жуктурушканын тапшырган анализдери тастыктады. Бүгүнкү күндө алардын баардыгы өз үйлөрүндө обочолонууда. Аларда оору азырынча ар түрдүү өтүүдө. Кызматкерлердин басымдуу бөлүгү алыстан иштөө режимине өтүшкөн.
Баардык карантиндик шарттарды сактаганыма карабай, тапшырган анализдердин жыйынтыгы менен коронавирус менден да тастыкталды.
Үй-бүлөмдөн алынган тест таза чыкты.
Учурда үй-бүлө мүчөлөрүнөн обочолонуп, өз алдымча үй шартындагы режиминде иштеп, врачтан тиешелүү консультация алып, дарыланып жатам. Кудайга шүгүр, оору жеңил формада өтүүдө.
Баардыгыңыздарга ден соолук каалайм, сактансаң - сактайм дейт, санитардык-эпидемиологиялык эрежелерди бекем карманып, бул илдетти ынтымакта, биримдикте жеңип чыгалы!
Эң негизгиси, адистердин айткандарын кылалы, дарыгерлерге күч-кубат каалайлы!” деп президенттик аппараттын башчысы Досалы Эсеналиев Фейсбуктагы баракчасына жазган.
