Дагы бир сууга чөккөн өспүрүм жигиттин өмүрү кыйылды

18-июнь, 09:57

789 ᠌ ᠌ ᠌ ᠌᠌ ᠌ ᠌᠌

Кара-Суу районунда 14 жаштагы өспүрүм каналда аккан сууга колун жууганы жатып агып кеткен. Кырсык 16-июнда Шарк айыл аймагынын аймагында болгон.

Ош облустук ички иштер башкармалыгынан билдиргендей, окуя саат 13:00 чамасында болгон. Аталган аймак Ош шаары менен чектеш болгондуктан, Ош шаардык ички иштер бөлүмүнүн кызматкерлери сөөктү суудан алып чыгышкан. Өспүрүм Южный каналына колун жуумакчы болгондо сууга түшүп кеткен. Үч сааттан кийин анын сөөгү Манас-Ата кичирайонунун аймагындагы каналдан табылган. Маркум 2005-жылы туулган, анын туугандары соттук-медициналык экспертиза өткөрүүдөн баш тартышты. Материалдар “кокустук” катары КЖБРге катталды.