Балдарын таш кайнатып баккан энеге туш тараптан акчалар агылып келе баштады
Кенияда сегиз баласын тамак келерине ишендирүү үчүн очокто таш кайнатып жаткан эне бейтааныш адамдардан акча келгенин керемет катары кабылдады.
Момбасада жашаган Пенина Бахати Китсао очокко таш кайнатып жаткан видео тараган. Ал тамак келбесин билет. Антсе да балдарын алаксытуу, тамакты күткөн балдарын уктатуу үчүн ушундай ыкма колдонгон.
Аялдын кылганына таң калган коңшусу бул абал боюнча маалымат каражаттарына билдиргенде Кениядагы “NTV” телеканалы үйгө келип көрсөтүү даярдады.
Өткөн жылы анын жолдошун кылмышкерлер өлтүрүп кетишкен. Сегиз баласы менен жалгыз калган Китсао андан бери кошуналарынын кирин жууп оокат кылып келген. Бирок коронавирус эпидемиясынан улам бул иши да токтоду. Алар суу жана электр жарыгы жок эки бөлмөлүү үйдө жашашат.
Китсао окуганды, жазганды билбегендиктен кайрымдуулукка келген акчаны коңшусу ачып берген банк эсеби аркылуу алды. “Tuko” кабар сайтына айткандарында “Өлкөнүн ар тарабынан телефон чалып жардам көрсөтүү ниетин билдиришпегенде кениялыктар ушунча боорукер болоруна ишене алмак эмесмин”,-деди.
