Помидорду баары эле жей бербеши керек. Диетолог кимдерге эскертти?
Диетолог Андрей Бобровский айрым адамдар помидорду этияттык менен колдонушу керектигин айтты. Адис 18-августта «Радио 1» басылмасына берген маегинде гастрит, ашказан жарасы жана өт таш оорусу менен жабыркаган адамдарга помидордон баш тартууну сунуштады.
Ошондой эле бөйрөк оорулары, аллергиясы жана подаграсы бар адамдар помидорду колдонууда этият болушу керек. Диетологдун айтымында, помидордун курамындагы кислоталар ашказандын былжыр челин дүүлүктүрүп, өттүн бөлүнүп чыгышын күчөтүшү мүмкүн. Бул айрым ооруларда кооптуу болушу ыктымал.
Мындан тышкары, помидорду өтө көп өлчөмдө жегенде ликопенодермия пайда болушу мүмкүн. Бул ден соолукка олуттуу коркунуч жаратпаган, бирок теринин түсүн өзгөрткөн абал. Мындай учурда адамдын териси кызгылт-сары же кызгылт сары түскө ээ болуп калат.
