Акыркы кабарлар
22:58
» Коом » Жарым жылда кыргыз жарандарынын Россияга агымы 45 пайызга көбөйдү
Жарым жылда кыргыз жарандарынын Россияга агымы 45 пайызга көбөйдү
31-август, 15:26
Россиянын ички иштер министрлиги биринчи жарым жылдыктын жыйынтыгы боюнча Кыргызстандан келген жарандардын саны кыйла көбөйгөнүн белгиледи. Бул тууралуу журналисттерге ИИМдин миграция маселелери боюнча башкы башкармалыгынын орун басары Юрий Конобеевский билдирди.
Ал Россия квалификациялуу адистердин келишине кызыкдар экенин, ал эми мигранттардын 57 пайызы жумушка келгенин кошумчалады. 2023-жылдын алгачкы алты айында эле Кыргызстандын жарандарынын Россияга агымы 45 пайызга көбөйүп, 460 миң адамды түзгөн. Алардын 57 пайызы жумушка келген. Мындан тышкары, Россияда жашап турууга уруксат алган кыргыз жарандарынын 11 пайызга өсүшү байкалууда.
«Биздин өлкө ар кайсы тармактардан кесипкөй адистердин келишине кызыкдар» деп белгиледи ИИМдин өкүлү.
