Башкы прокурор Максат Асаналиев ишкерлердин арыздарына качан жооп берет?

18-июнь, 12:50

988 ᠌ ᠌ ᠌ ᠌᠌ ᠌ ᠌᠌

     Аксакал ишкер Улукбек Жээналиев “Азаттыкка” арыз-арманын айтып чыкты. Убагында эки гектар жер тилкесин үчүнчү адам катары сатып алганы, кийин УКМКга тарттырып жибергени, анан Камчыбек Ташиев кеткенден соң башкы прокуратурага арыз жазса да, эч кандай жыйынтыгы көрүлбөгөнүн айтууда. Ооба, мындай даттануулар арбын болгон. Төрт жүзгө жакын арыздар аскер прокуратурасына жазылып, бирок ушул күнгө чейин эмнеге жообу берилбей келет? Февралдан тарта төрт ай өттү, басып жатышабы? Башкы прокурор Максат Асаналиев качан үн катат? Бул аралыкта ишкерлерди ыйлатпай алдырып жиберген мүлктөрүн кайра кайтарып бербейт беле? Азыр Камчыбек Ташиевдин таасири жок, бирок шек саноолор ырбап баратканын кантебиз? Айтор, соболдор арбыды. Элибиз таңгалууда...