Расул Умбеталиев: “Токтогул ГЭСиндеги төртүнчү гидроагрегатты ишке киргизүү өтө зарыл”
-- Калктын саны, электр энергиясын колдонуу көрсөткүчү жыл сайын көбөйүп баратат. Буга бийлик тараптан кандай чукул чаралар көрүлүүдө?
-- 2022-жылдын октябрынан 9-ноябрына чейин Кыргызстан Түркмөнстандан суткасына 12 миллион кВт/саат электр энергиясын импорттогон. Ал эми 10-ноябрдан тарта импорт 6 миллион кВт/саатты түздү, бул Өзбекстан аркылуу Кыргызстанга түркмөн электр энергиясынын транзитинин көлөмү эки эсеге кыскарганын билдирет. Ташкент ТЭЦине 50 миң куб/метр газ берилди, бул пландагыдан 270 миң куб/метрге аз. Натыйжада, станцияда жалпы электр энергиясын иштеп чыгуу мазуттун күйүүсүнөн улам 500 МВт (пландагыдан 600 МВт аз) чейин кыскарган. Электр энергиясынын тең салмактуулугун камсыз кылуу жана энергосистемадагы ири авариялардын алдын алуу үчүн, ошондой эле райондук электр менен камсыздоо ишканалары тарабынан 6,10 кВт тармактарга киргизилген чектөөлөрдүн натыйжасыздыгына байланыштуу улуттук диспетчердик борбор тарабынан жогорку вольттогу линиялар график менен өчүрүлгөн. Өзбекстанда суук күндөрү энергиянын тартыштыгы 600-700 МВт түзөт. Кыштын катуу суугунун башталышы менен ЖЭБге газ берүү азайып, электр энергиясын колдонуу көбөйөт. Демек, ушул убакка чейин Өзбекстандын аймагы аркылуу өткөн электр линиясы аркылуу Түркмөнстандан электр энергиясын импорттоо толугу менен токтошу мүмкүн. Кыш айларында Казакстанда энергетикалык дефицит 700-800 МВт түзөт. Балким, 2023-жылдын 1-мартына чейин Түркмөнстандан электр энергиясын импорттоо жарым-жартылай токтотулуп, Өзбекстан менен Казакстандан энергия берүү жүргүзүлбөйт. Ошондуктан Кыргызстандын энергетика министрлиги тез арада электр энергиясын өндүрүүнү көбөйтүү үчүн ички резервдерди таап, электр жана жылуулук энергиясын эффективдүү жана максатка ылайыктуу пайдалануу боюнча чараларды көрүшү керек. Токтогул ГЭСиндеги төртүнчү гидроагрегатты ишке киргизүү өтө зарыл жана чукул.
"Азия Ньюс" гезити
