Жусупбек Коргонбай уулуна “рахмат” деш керек. Себеби...
Экс-депутат Жусупбек Коргонбай уулу менен Шайырбек Ташиевдин ортосундагы маектешүү коомчулукта талкуу жараткан. Жыйынтыгында Ташиев мандатын тапшырды, “лам” деп ооз ачпады. Карапайым эл кара нанга зорго жетип жүргөндө, казиного миллиондорду уттуруп, эч кейибей басып жүргөнү таңгалдырды эй! “Суунуку сууга...” дечү эле.
Ал эми Жусупбек Коргонбай уулу жигитчилик кылып, болгонун болгондой айтып атса, ага эмне дейбиз? “Рахмат” деш керек. Ар бир кадам мамлекеттин кызыкчылыгы үчүн жумшалышы абзел. Эгерде ал унчукпай отурса, көп былыктар билинбей калмак экен да... Чындык ушундай. Ириде кемчиликсиз, идеалдуу адам жокко эсе. Айрым катачылыктарды оңдоо менен гана бийиктиктерге чыкса болот. Бул – турмуш формуласы. Андыктан, Жусупбек Коргонбай уулу келечекке саресеп салып, алга карай умтула бериши парз. “Түсү ийгиден түңүлбө” дейт. Анын сыңарындай, мындай жүрөгү таза азаматты эртеби-кечпи Жараткан жалгап, жарык нуру тийери шексиз...
