Чолпон Жакупова уяткарган генералдар Исаков, Кожоналиев, Медетбековбу?
Кой-Таш окуясын иликтеген мамлекеттик комиссиянын жыйынтыгы талаш жаратып, коомчулукту эки анжылыкка салды. Бул жерден күнөөнүн баарын карапайым элге, Алмазбек Атамбаевге оодаруу менен бир жактуулукка ык коюштубу? Калыстык болушу үчүн Кашкар Жунушалиев баштаган күч органдарынын жоопкерчилиги эмнеге каралган эмес?
Комиссиядагы Клара Сооронкуловадан башкасы кошоматчылар, буйрутма аткаргандар катары бааланганы, убагы келгенде булардын үстүнөн комиссия иликтей турганы айтылууда. Эң кызыгы, Кой-Таш окуясын кароодо генералдар Исмаил Исаков, Кубатбек Кожоналиев жана Артур Медетбековдун күч органдарынын жоопкерчилигине баа берүүдөн качканын, калыстыктан тайганын, карапайым элди “отко” салып бергенин Чолпон Жакупова аттарын атабай эле ЖМКлардан уяткарып салганына күбө болуудабыз. Комиссиянын курамындагы генералдар ушулар болчу, башкасы жок да...
Чечмелей келсек, суроолор жаралууда. Исаковдун мурдатан Атамбаевге өчү бар экени, эки иштен бир иш катары бийликкке жагынуу менен жеке кызыкчылыктарын чечип алууга өттүбү? Кожоналиев болсо спикер Жумабековдун өкүл атасы экени, бул жагынан туугандык соодалашуу кызыдыбы? Медетбековдун бизнес иштерине бул жол пайдалуу болдубу? Анан калса, үчөөнүн тең ар кандай кадр саясатынын көз карандылыгына кызыкчылыгы барбы?..
Aryba.kg