Айбек Осмонов: “Суу сактагыч кооптуу абалда”
-- Айбек мырза, Ош шаарын таза суу менен камсыздоо көйгөйү айтылып жатканына көп болду. Бул маселе эмне үчүн чечилбей келатат? Каражат жокпу?
-- Каражат деле бар. Атайын ушул максатка жергиликтүү бюджеттен да, Азия өнүктүрүү банкынан (АБР) да акча бөлүнгөн. Бирок, суу куурларын орнотуу эмнегедир жай жүрүүдө. Ош шаарынын тургундарына ичүүчү суу Папан суу сактагычынан тартылып келет. Суу шаарга жеткенге чейин жолдо көптөгөн карьерлер бар. Алардан агып чыккан кир суу ылайлайт. Кечээ биздин активисттер Папан суу сактагычына барышып, абалды жеринен көрүп келишти. Жергиликтүү калк менен сүйлөшкөндө алар суунун ичинде ар кандай акыр-чикир, желим бөтөлкөлөр, атүгүл ит-мышык сыяктуу жаныбарлардын өлүктөрү да бар экенин айтышкан.
-- Анда ал жерди текшериш керек го?
-- Мен протоколдук тапшырма бердим, миллионго жакын калкы бар шаар суу ичип жаткан соң, тийешелүү адистер тезинен барып суунун сапатын текшерүүлөрү керек. Себеби, оорунун баары суудан тарайт эмеспи.
"Азия Ньюс" гезити
