Феминисттик топтордун аркасында Батыштын политтехнологдору барбы?
“Коомчулук бул плакатты окуп алып, түз маанисинде түшүнүп, бул кызга жана “Кырк чоронун” дарегине ар кандай сын-пикир айтууда. Көпчүлүк ойлоп жатат, бул кыз автор деп. Андай эмес. Феминисттик топтордун аркасында Батыштын политтехнологдору бар, ар бир сөздү алар даярдап берет. Кечээги 8-мартта алардын бири ошол акцияга катышты. Эми бул чакырык кандай мааниде жазылганын чечмелеп көрөлү: “мырк” дегенин алсак, экс-президент Роза Отунбаева да айылдыктарды “мырк” деп кемсинтип сүйлөгөнү эске түшөт, “чорошек” дегени кыргыздын жигиттерине карата айтылганы десек болор. Ал эми “мини чочошки” дегени “алсыз, билимсиз” деп кемсинтүүсү. Демек, бул кыз кожоюну даярдап берген “Айылдык кыргыз жигиттери – алсыз, билимсиз” деген чакырыкты көтөрүп чыккан” деп “Кырк чоронун” жетекчиси Замир Көчөрбаев жеке баракчасына жазып чыкты.
“Азия Ньюс” гезити