Коронавирустун алдын алып, Тажикстандагы мечиттер жабылууда

04-март, 19:50

651 ᠌ ᠌ ᠌ ᠌᠌ ᠌ ᠌᠌

Тажикстандагы мечиттер коронавируска байланыштуу убактылуу намаз окугандарды кабыл албайт. Бул тууралуу жалпыга маалымдоо каражаттары жазып чыгышты.

Белгилүү болгондой, вирус эл көп топтолгон жерлерде тарап жаткандыгы айтылган. Андыктан, Душанбе шаарындагы бир нече мечиттер жабылып, убактылуу мечитте намаз окууну токтотуп туруусун суранышууда. Борбордук мечиттин имамы Абдулхак Обидов бул чечим адамдардын коопсуздугу менен байланыштуу экенин айтат. Официалдуу маалыматтар боюнча Тажикстанда коронавируска кабылгандар каттала элек. Мисалы, Кытайдан келген миңден ашуун адам эки жума карантинге алынып, үйлөрүнө чыгарылган.