Мырзалар эмнеге көп оорушат?
Ушул суроонун тегерегинде ойлонуп көрүшкөн адистер мындай чечимдерге келишти:
1. Эркек кишилер аялдарга караганда тез ачууланышат экен. Бүгүнкү күндө мырзалардын 88 пайызы тез ачууланып, тез жазылат.
2. Адамды бара-бара багынтып, акырында алып тынган ичимдик да мырзалардын катарын азайтуучу коркунучтун бири. Бул дарт менен күрөшкөндөрдүн 89 пайызы эркектер экен.
3. ВИЧ инфекциясын жуктургандар менен СПИД дартына чалдыккандардын 71,9 пайызы эр-азаматтар.
4. Ден соолукка зыяндуу жерде, организмге физикалык күч келтирген оор жумуштарды аткаргандар да эркектер. Мырзалардын нервине ушундай жумуштун кесепети да таасир берет.
5. Бир жылда үйлөнгөндөрдүн 15 пайызы тукумсуздуктун кесепетинен ажырашат экен. Анын 49-50 пайызына эркектердин тукумсуздугу себепчи.
Мырзаларды курчаган ушундай факторлордун алдын алуу үчүн адистер жер-жерлерде аларга кеңеш берүүчү медициналык жайларды ачуу керек деп эсептешет.
