Коронавирусту жуктургандардын саны 40 миңден ашты

10-февраль, 13:16

431 ᠌ ᠌ ᠌ ᠌᠌ ᠌ ᠌᠌

Кытайдын саламаттыкты сактоо мамлекеттик комитетинин маалыматы боюнча, 10-февралга караган убакка карата жалпысынан 40 миң 514 киши белгисиз коронавирусту жуктуруп алган. Бул сан күн санап өсүүдө. Ал эми мындан улам каза болгондордун саны 910го жеткен. Ал эми коронавирусту жуктуруп алган 3301 адам айыкканы айтылат.

Белгилей кетсек, АКШнын Балтимор шаарындагы Жонс Хопкинс университетинин алдындагы системалык изилдөө жана инжиринг борборунун окумуштуулары коронавирустун онлайн-картасын иштеп чыгышкан. Ал онлайн-карта аркылуу коронавирусту жугузуп алуу, оорулуулардын айыкканы жана андан улам каза болгондордун статистикасы менен реалдуу убакыт режиминде таанышууга болот. 

Aryba.kg