Расул Түлеев: “Таза партиялардын парламентке келүүгө шанстары бар”
-- Бул жолу шайлоо кандай өтөт, кимдер аттанат?
-- Саясый партияларда күрөө азайгандыгы үчүн менин божомолумда элүүгө жакын партиялар шайлоого катышууга билдирүү жасашат. Шайлоого отуз чакты партия катышат, көбүнчөсү жаңы партиялар. Эски партиялар биригип, жаңы альянстарды түзүшөт. Эски партияларга элдин ишеними аз болгондуктан, бул шайлоого катыша албай калышат. Ошондуктан алардын мүчөлөрү жаңы партияларга жана бийликтин жаңы курамдарына киргенге далалат кылышат.
Анткени бул сапар тизмедеги биринчи талапкерден эң акыркысына чейин шанс бирдей, мурункудай “алтын орун” дегендер жок. Демек, мурунку шайлоолорго караганда атаандаштык өтө курч болуп, баарын эле акча чечпей калат. Ошондуктан таза партия бул жолу команда менен катуу иштесе, депутат болуп шайланып калууга, босогодон кирип кетүүгө шанс бар.
Жамиля Нурманбетова
"Азия Ньюс" гезити
